युवा व्यवसायी लक्षमण श्रेष्ठ "लक्की" र संतोष तिमल्सिनाको वोनरसिप रहेको पुर्वेली सुपर किङ्ग्सले तेस्रो संस्करणको कोशी प्राइड लिग (केपीएल) को अक्सनमा खेलाडी अनुबन्धनको लागि सर्वाधिक रकम चार लाख अठार हजार खर्च गरेको छ ।
विभिन्न सात फ्रेन्चाइज टिमले फागुन ९ देखि २१ गतेसम्म सुनसरीको भोक्राहनरसिंहस्थित डा खालिल अजाद खेल मैदानमा हुने प्रतियोगिताको लागि अक्सनबाट समान १२ खेलाडी अनुबन्ध गर्दा पूर्वेलीले सर्वाधिक रकम खर्च गरेको हो ।
अक्सनमा हरेक टिमले ड्राफबाट एक मार्की र एक आइकोनिक गरी ३ देखि ६ जना खेलाडी अनुबन्ध गरेका छन् । अक्सनमा २ सय ३२ खेलाडी समावेश भएकोमा ८४ जना बिक्री भएका छन् ।
क्याटगोरी ‘ए’ मा ३४, क्याटगोरी ‘बी’ मा ९५ तथा क्याटगोरी ‘सी’ मा १०३ खेलाडी रहेका थिए । अक्सनमा क्याटगोरी ‘ए’ को मूल्य न्यूनतम ४५ देखि ६५ हजारसम्म, क्याटगोरी ‘बी’ को लागि २५ देखि ४५ हजारसम्म तथा क्याटगोरी ‘सी’ को मूल्य पाँच हजारदेखि २५ हजारसम्म तोकिएको थियो । ड्राफबाट खेलाडी भित्र्याउँदा टिमले आवश्यकता अनुसार रकम खर्च गर्न पाउने सुविधा दिएको छ ।
पुर्वेली सुपर किंग्सले ड्राफबाट ललित राजवंशीलाई निरन्तरता दिँदा मोहम्मद आदिल आलम, अर्जुन घर्ती, तृतराज दास, दिवन पुन र भरत कार्कीलाई अनुबन्ध गरेको छ । अक्सनबाट नरेन साउँद, रिजन ढकाल, मयन यादव, आदिल खान, बिशाल पटेल, इमरान शेख, चिराग शाह, दिपक पासवन, सोनु शर्मा, अभिषेक कार्की, मोहम्मद समिर र अभिषेक शर्मालाई टिममा भित्र्याएको छ ।
तेस्रो कोशी प्राइड लिग (केपिएल) जित्ने उदेश्यका साथ आफुहरुले खेलाडी अनुबन्ध गर्न कुनै कसुर बाकी नराखेको क्लबका संचालक लक्की श्रेस्ठले ग्लोबल सन्चारलाइ जानकारी दिनुभयो।
