काठमाडौं । सफल नेपाली फिल्म ‘छ माया छपक्कै’को दोस्रो श्रृंखला ‘छ माया छपक्कै २’ को औपचारिक घोषणा गरिएको छ।
पहिलो भागले दर्शकमाझ राम्रो प्रतिक्रिया पाएको यस फिल्मको सिक्वेल पनि हास्य–मनोरञ्जनले भरिपूर्ण हुने निर्माणपक्षले जनाएको छ। फिल्मको निर्देशन दीपेन्द्र लामाले गर्नेछन् भने लोकप्रिय कलाकार दीपकराज गिरी यसपटक पनि मुख्य भूमिकामा देखिने पक्का भइसकेको छ। अन्य कलाकारहरूको बारेमा भने छिट्टै जानकारी सार्वजनिक गर्ने तयारी निर्माण टोलीले गरेको छ।
निर्माणपक्षका अनुसार फिल्म आउँदो वर्षको दशैंलाई लक्षित गर्दै रिलिज गरिनेछ। दशैंको चाडमा पारिवारिक दर्शकलाई ध्यानमा राखेर फिल्म निर्माण भइरहेको बताइएको छ। पहिलो भागको सफलतापछि दर्शकहरू ‘छ माया छपक्कै २’ प्रति निकै उत्साहित देखिएका छन्।
हाँसो, सामाजिक व्यंग्य र मनोरञ्जनको मिश्रण लिएर आउने यो फिल्मले फेरि एकपटक बक्स अफिस तताउने अपेक्षा गरिएको छ।
