काठमाडौ: नेपाल चलचित्र कलाकार संघमा वरिष्ठ कलाकार मोहन मोहन निरौलाले अध्यक्ष पदमा उम्मेदवारी दिने भएका छन् । उनलेले आगामी चैत्र ४ गते १९ औँ अधिवेशन तथा कार्यसमितिको निर्वाचनमा उनले अध्यक्ष पद रोजेका हुन् ।
बुधबार बसेको कार्यसमितिको बैठकले वर्तमान कार्य समितिको पदावधी समाप्त भएकोले सोहि दिन निर्वाचन गर्ने तय गरेको जारी प्रेस विज्ञप्तीमा उल्लेख गरेको छ ।
उक्त विज्ञप्ती जारी भएसँगै कलाकार निरौलाले अध्यक्ष पदमा उमेदवारी दिने घोषणा गरेका हुन् ।
यसअघि २०७६ जेठ २५ गते भएको कार्यसमितिको निर्वाचनबाट अध्यक्षमा रविन्द्र खड्का विजेता बनेका थिए । यसपटकको निर्वाचनमा संघको स्थापनाकालदेखि विभिन्न पदमा सक्रिय रहेका वर्तमान उपाध्यक्ष तथा प्रवक्ता मोहन निरौलाले अध्यक्ष पदमा उम्मेदवारी दिन लागेका हुन् । निरौला अध्यक्ष पदमा उम्मेदवारी दिने चर्चा भएपछि अन्य कलाकारहरुले यसमा दावी गरेका छैनन्।
चलचित्र कलाकार संघ वि.सं. २०४५ भदौ २३ गते स्थापना भएको थियो । जुन अहिले पनि सक्रिय संस्था हो । कलाकारको हक हितका लागि भनेर संघ स्थापना भएको थियो ।
Copyright © All right reserved to Global Media and Research Center Site By: sobij
