अभिनेत्री रेखा थापाले विवाह गरेकी छिन् । उनले जाजरकोट निवासी बलराम शाही ठकुरीसँग विवाह गरेकी हुन् । १ वर्षदेखि चिनजानको दुवैले वैवाहिक सम्बन्धमा परिणत गरेका हुन् ।
रेखाले अदालतमा दुई हप्ताअघि कोर्ट म्यारिज गरेको पुष्टि गर्दै यो आफ्नो नितान्त व्यक्तिगत कुरा भएकाले सार्वजनिक गर्न नचाहेको बताइन् । ‘यो मेरो व्यक्तिगत कुरा थियो । यो मोडमा आएर मनमिल्ने साथी भेटेपछि दुवै परिवारको सहमतिमा हामीले विवाह गर्ने निणर्य गरेका हौँ ।
यसलाई जीवनको प्रक्रियाको रुपमा लिन आग्रह गर्दछु’ रेखाले रमाईला छ डटकमलसँग भनिन् । बलराम शाहीको उमेर ४० वर्ष हो भने रेखा ३८ वर्षकी भइन् । बलराम शाही इजरायलमा बसोबास गरिरहेका छन् । उनी पर्यटन व्यवसायी हुन् ।रेखाको पहिलो विवाह निर्माता छविराज ओझासँग भएको थियो । १० वर्षअघि उनले छविसँग सम्बन्ध विच्छेद गरेकी थिइन् । रेखाले केही समय पहिलेदेखि विवाहको मुडमा रहेको संकेत गरेकी थिइन् ।
हिरो फिल्मबाट अभिनयसुरु गरेकी उनले करिब डेढ सय बढी फिल्महरुमा अभिनय गरेकी छिन् । रेखा राप्रपा पार्टीसँग आबद्ध छिन् । गएको महाधिवेशनमा रेखा महामन्त्रीमा पराजित भइन् । रेखा र बलराम बैबाहिक जीवनको शुभकामना ।
